Калдыбаев айчүрөк токтополотовна

Калдыбаева Айчүрөк Токтополотовна – педагогика илиминин доктору, профессор.

1958-жылы Ош областынын Алай районунда туулган. 1980-жылы В.В. Маяковский атындагы Кыргыз кыз-келиндер педагогикалык институтунун филология факультетин артыкчылык диплому менен аяктап, орус тили жана адабияты, тарбия боюнча методист адистигине ээ болгон. 1983-1986-жж. Кыргыз педагогика илимий изилдөө институтунда аспирантурада окуган. И.Арабаев атындагы Кыргыз мамлекеттик университетинде 1980-жылдан баштап окутуучу, доцент, сырттан окуу институтунун директорунун орун басары, факультеттин деканы болуп эмгектенген. Азыркы күндө ушул эле университеттин педагогика кафедрасынын башчысы, анын жетекчилиги астында 8 аспирант кандидаттык диссертациясын коргоп, 4 ү жактоого сунушталган, 7 аспирант илимий иштин үстүндө эмгектенүүдө. Кесиптик багыттары төмөнкүлөр: этнопедагогика, педагогикалык ойлордун жана билим берүүнүн тарыхы, жогорку окуу жайынын педагогикасы, тарбия иштеринин методикасы, мектеп педагогикасы. 3 монографиянын, 21 окуу-методикалык куралдардын, 130 дан ашык илимий макалалардын автору. Алардын айрымдары төмөнкүлөр: “Эл акындарынын чыгармачылыгындагы этнопедагогикалык идеялар”; “Адеп (Мурас)”. / 5-класс үчүн окуу китеби; “Адеп (Мурас) ”. / Мугалимдер үчүн методикалык колдонмо; “Кыргыз элдик педагогикасынын мугалимдерди даярдоодогу ролу”: Атайын курс. / Методикалык сунуштар; “Педагогикалык практика боюнча методикалык сунуштар”; “Калык Акиевдин чыгармаларынын тарбиялык мааниси”; “Педагогика тарыхынын очерки”. / Окуу куралы; “Элдик акындар жана тарбия”. / Методикалык курал; “Элдик акындардын чыгармаларындагы тарбия маселелери”. / Методикалык курал; “Педагогикалык ойлордун жана билим берүүнүн тарыхы”. / Окуу куралы; “Кредиттик окутуу системасы студенттердин өз алдынчалыгын өстүрөт”; “Общее и особенное в воспитании кыргызского и корейского народа”; “Этнопедагогикалык идеяларды тарбиялоо процессинде колдонуунун методикалык өзгөчөлүктөрү”; “Тарбиялоо жана окутуу процессин моделдөөнүн талаптары жана принциптери”; “Организация учебного процесса по кредитной технологии в КГУ им. И.Арабаева в рамках Болонского процесса”. Илимий докладдар менен Ирландия, Турция, Россия жага Казакстанда эл аралык конференцияларга катышкан.

Сыйлыктары[түзөтүү | булагын түзөтүү]

1. Педагогикалык билимге эмгеги сиңгендиги үчүн 2011 жылы КР президентинин Указы менен Кыргыз Республикасынын Ардак Грамотасы менен сыйланган. 2. И. Арабаев атындагы КМУнун «Эмгек сиңирген ишмери», «2013, 2016-жж. Мыкты профессору», 2014 ж. “Мыкты кафедра башчысы” болуп танылган. 3. Орусия Табигый илимдер академиясынын мүчө-корреспонденти ( Москва). 4. А.Т. Калдыбаеванын жетекчилиги астында 8 аспирант кандидаттык диссертация коргогон, 4 аспиранттын диссертациясы жактоого сунушталган:

1. Бабаева А.Д. – ОШму

2. Назаралиева Ч.Ш.

3. Турганбаева Ж.Ж.

4. Жусуева Б.

5. Мирзалиева Э.

6. Махашева Ф.

7. Иманкулова С.Э.

8. Сулайманкулова Ж