Коржинский сеселиси

Коржинский сеселиси (лат. Seseli korshinskyi (Schischk.), М. Pimen) - Бийиктиги 30-70 см болгон поликарптык, көп жылдык, тамыры тик ылдый өскөн, кочкул-жашыл өсүмдүк. Каудекси сөңгөктөнөт, былтыркы жалбырактардын куураган саптарынын калдыктары менен капталган. Сабагы жумуру, түп жагынан же ортосунан тартып бутактанат. Тамыр моюнчасынан өскөн жалбырактарынын сабынын узундугу 3-10 см. Жалбырактарынын узундугу 12 см ге чейин жетет, көрүнүшү ланцеттей, канаттай тилкелүү, тилке сегменттеринин узундугу 7-15 мм, жумурткадай же ромбдой, кыска саптуу, жээги бир аз оюктуу, арсак тишчелүү, асты түктүү, үстү түксүз. Сабактан өскөн жалбырактары кичирээк, эң жогоркулары жетилбестен жалбырак кучагына айланган. Чатыр топ гүлүнүн диаметри 4-6 см, түрдүү узундуктагы 4-15 майда чатырчалуу, алар ажырап уруктанган, ичинен түктүү нурдуу. Ороочторунун жалбыракчалары 4-5 санда, сызгыч- шибегедей, түктүү. Чатырчалары 15-20 гүлдүү, теңдеш эмес, ажыратылган гүл саптуу. Орооч жалбыракчалары 8-9 санда. Желекчелери ак, төбөсү бир аз оюктуу, сырты түктүү. Мөмөсүнүн узундугу 3,5 мм, жумурткадай, капталынан жалпайган, кыска жана жыш түктүү.

Биологиялык өзгөчөлүктөрү

Июлң-августта гүлдөп, август-сентябрда мөмөлөйт. Жалпы жана өлкөдө таралышы. Кетментөбө өрөөнүн курчаган тоолордо кездешет.

Өсүү шарттары

Таштуу-шагылдуу тоо беттери, шагыл таштар, акиташтуу топурактарда өсөт.

Саны

Аныкталган эмес. Кездешкен жерлеринде бирин-серин учурайт. Чектөөчү факторлор. Белгисиз.

Өстүрүү

Өстүрүлгөн эмес.

Уюштурулган коргоо аракеттери

Корукка алынган эмес. Коргооү чүнзарыл аракеттер. Түр кеңири кездешкен жерлерде ботаника лык

Статусу

EN. Сейрек жана чакан аймактарда аз санда кездешкен эндем түр. Түрдүн илимге мааниси өтө чоң.

Колдонулган адабияттар

• Кыргыз Республикасынын Кызыл китеби 2-басылышы – Бишкек: 2006. – 544 б. – ISBN 9967-23-367-2