Мекешова Замира

Мекешова Замира (18. 3. 1956-ж. туулган, Жумгал району, Өрнөк кыштагы) - дасыккан педагог, жогорку категориядагы мугалим, жетекчи кызматкер.

• СССРдин 50 жылдыгы атындагы Кыргыз мамлекеттик университетинин география факультетин бүтүргөн (1979).
• Эмгек жолун 1979-ж. Жумгал районундагы Өрнөк орто мектебинде география мугалими болуп баштап, ал жерде 1981-жылга чейин иштеген.
• Кийинчерээк, 1981-жылдан Суусамыр өрөөнүнүн Кызыл-Ой кыштагындагы Түркмөн атындагы орто мектепте география мугалими, 1994-жылдан окуу бөлүмүнүн башчысы, директордун орун басары, 1995-2006-жылдары ушул эле мектепте 11 жыл директор болуп үзүрлүү эмгектенип келген.
• Өз ишин жакшы билген, уюштуруу жөндөмдүүлүгү жогору инсан.
• Ал мектепте жетекчи болуп иштеп турганда «Манас залы», «Улутук зал» жана «Жаратылыш бурчун» уюштурган.
• Мектептин айланасын жашылдандырууда эмгеги зор.
• 2000-ж. Кыргыз Республи касынын мугалимдеринин 1-курултайына делегат болгон.
• Суусамыр айылдык кеңешине 2001-жана 2008-ж. депутат болуп шайланган.
• «Эл агартуунун отличниги» төш белгисинин ээси (2000).
• Облустук элге билим берүү бөлүмүнүн Ардак грамоталары менен бир нече жолу сыйланган.
• Учурда ошол эле мектепте мугалим болуп эмгектенүүдө.
• Улуу Ата Мекендик согуштун катышуучуларына жана согуштун ардагерлерине эстелик тургузууга активдүү катышкан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9