Патология

Википедия дан
Патология

Патология — теориялык жана клиникалык медицинанын патологиялык процесстерди жана абалдарды, айрым оорунун себептерин, өөрчүү закон ченемин, өтүшүн изилдөөчү бөлүгү.

Ал патологиялык анатомия жана патологиялык физиология болуп бөлүнөт.

Патологиялык анатомия түрдүү оорудан орган жана ткандардын түзүлүшүндө болуучу өзгөрүүлөрдү изилдейт. Мында оорулуудан хирургиялык операция убагында алынып ташталган орган, ткань, ошондой эле өлүктү (сөөктү) союп көрүп изилдөө объектиси болуп эсептелет.

Патологиялык физиология организмде патологиялык процесстердин өөрчүү мыйзам ченемин, функциялык бузулушун, өтүшүн жана организмдин коргонуу жана ыңгайлануу реакциясын көбүнчө жаныбарларга эксперимент жасап изилдейт.

Кесиптик Патология өндүрүштөгү зыяндуу факторлордун организмге, географиялык Патология оорулардын өөрчүшүнө географиялык шарттардын тийгизген таасирин изилдейт.

Нормадан ар кандай четтөө да Патология деп аталат.

Колдонулган адабияттар[түзөтүү | булагын түзөтүү]

  • Кыргыз Совет Энциклопедиясынын Башкы редакциясы. «Ден - соолук» Медициналык энциклопедия. - Ф.:1991, ISBN 5-89750-008-8