Перфоратор

Перфоратор (латынча perforo – көзөйм) – 1) маалымат жазуу үчүн маалымат ташыгычка (мисалы, перфорация картасына, перфорация тасмасына) көзөнөк түшүрүүчү түзүлүштүк Перфоратор перфорациялоочу механизмден жана кыймылдаткычтан турат. Перфоратор кыймылдаткычтын тибине жараша мехникалык, электрдик, электр-магниттик, гидравликалык, пневматикалык; башкаруу ыкмасы боюнча кол менен иштетилме, жарым автоматтык болуп бөлүнөт; 2) көзөнөк көзөгүч машина (мисалы, кинотасманын, диаграмма кагазынын ж. б. чекесин); 3) Тоо-кен ишинде Перфоратор – бургулоочу балканын аты.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9