Прагматизм

Wikipedia дан

Прагматизм - (лат. рragma–иш, иштөө) – Батыштын, өзгөчө американын билим системасындагы көрүнүктүү илимий теориялык жана практикалык багыт.[1]

Дж. Дьюи башында турган бул илимий педагогикалык теориянын жоболоруна ылайык билимдин баалуулугу анын күнүмдүк практикалык ишке пайдалуулугу жана натыйжалуулугу менен чектелет. Пагматизм үчүн практикалык пайдасы ачык көрүнүп турган нерсе гана нукура билим. Окутуунун, билим берүүнүн негизги максаты балдарды пайдалуу иш аткарууга, «пайдалуу билим» алууга үйрөтүү.

Илимий булактарда бул агым кээде «инструментализм», «экспериментализм», «конструктивизм», же «прогрессивизм» деген түшүнүктөр менен мүнөздөлүп жүрөт. Мындай теориялык көз караштарда системалуу теориялык билимдердин баа баркы таназар алынбайт, окуп үйрөнүү жекече мүнөзгө ээ болуп, мугалимдин ролу төмөндөп, окуучунун өздүк тажрыйбасы биринчи орунга чыгат.

Колдонулган адабияттар[оңдоо]

Шилтемелер[оңдоо]

  1. Мапельман В.М., Пенькова Е.М. История философии

Мамлекеттик тил жана энциклопедия борбору. Кыргыз педагогикасы (энциклопедиялык окуу куралы). - Б.: 2004,