Родонит

Родонит – тизмектешкен силикаттар классчасындагы минерал, CaMn₄ [Si₅0₁₅]. Кызгылтым бүртүкчөлүү, массасы тыгыз, марганецтин каралжын тарамчалары байкалат. Катуулугу 5,5–6,5. Салыштырма салмагы 3,4–3,7. Контакт-метаморфизмде пайда болот. Курулушта кооздоп каптоочу материал катары колдонулат. Марганец кен ташынын курамдык бөлүгүн түзөт.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9