Симплекс берилиши

(Simplex transmission- Симплексная передача). Берилиштерди бир гана багытта жиберүүнү уюштурган жол. Симплекс жолу боюнча демейде берилиштер датчиктердин жардамы менен алынып компьютерге иштетүү үчүн жиберилип турат. Мисалы, компьютер имараттын ичиндеги температураны башкарууда пайдаланса, көп сандагы датчиктер имараттын ичине орнотулат жана алардан берилиштер келип турат. Ошону менен катар датчиктер компьютерге берилиштерди жиберүүдө гана эмес, компьютерден жиберилген сигналдарга жараша тиешелүү аракетти аткартууда дагы колдонулат.

Колдонулган адабияттар

• Компьютер жана интернет: Энциклопедиялык окуу куралы. У.Н. Бримкулов, А.С. Өмүралиев, В.Ф. Бабак.-2004. ISBN 9967-14-014-3