Френель күзгүсү

Френель күзгүсү - жарык интерференциясын байкоого арналган оптикалык түзүлүш.

Фр. физик Ж. Френель сунуштаган (1816). Ф. к. өз ара 180°тан кичине бурч түзгөн эки (I жана II) жалпак күзгүдөн турат. S жарык булагы аларда S: жана S0 жалган сүрөттөлүштөрдү берет. Натыйжада бул булактардан жарык таралып жаткандай көрүнөт. Чынында жарык бир гана S жарык булагынан чыккандыктан, эки күзгүдөн чагылган жарык когеренттүү болот. Алар кичине бурчу менен кесилишет жана АВ экранында интерференцияны пайда кылат. Жарыктын кезектешкен ак жана кара тилкелери пайда болот.

Колдонулган адабияттар

• «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4