Дооров, Абдилаат
Абдилаат Дооров - кыргызстандык заманбап акын, журналист. Кыргызстанда поэтикалык уникалдуу фестивалдын түзүүчүсү жана 30 жылдан берки уюштуруучусу. Кыргыз Улуттук Жазуучулар Союзунун Баткен облустук бөлүмүнүн төрагасы.
Кыскача өмүр таржымалы[түзөтүү | булагын түзөтүү]
Абдилаат Дооров 1953-жылы 1-сентябрда Кыргызстандын Баткен облусунун Лейлек районундагы Катраң айылында жарык дүйнөгө келген.
1969-жылы орто мектепти, 1973-жылы Жалал-Абад шаарындагы зооветтехникумдун «Ветеринария» факультетин аяктаган. Андан соң Лейлек райондук асыл тукум станциясында веттехниги, «Кулунду» колхозунун ветеринардык врачы, колхоздун комсомол комитетинин катчысы, Лейлек райондук агро-өндүрүш комплексинин профсоюз комитетинин жооптуу катчысы болуп иштеген.
1988-жылы Бишкек шаарындагы Жусуп Баласагын атындагы Кыргыз мамлекеттик улуттук университетинин журналистика факультетин аяктаган.
1989-жылы Лейлек райондук «Алга» (азыркы «Ата Журт») гезитинин бөлүм башчысы,
1992-жылдын декабрь айынан бери Лейлек райондук «Ата Журт» гезитинин башкы редактору болуп эмгектенип келет.
Чыгармалары республикалык «Жалын» жана «Учкун» альманахтарында, республикалык «Кыргызстан маданияты», «Эркин Тоо», «Кыргыз Туусу» гезиттеринде, «Ала-Тоо», «Тулпар» журналдарында жарык көргөн.
1989-жылдан Кыргыз ССРинин Журналисттер союзунун, 2004-жылдан Кыргыз Республикасынын Улуттук жазуучулар союзунун мүчөсү.
Беш перзенти бар. Улуу уулу Төрөкул Дооров - "Азаттык" үналгысынын кызматкери. Азыркы тапта ал Казак кызматынын директору. Эки уулу - Сүйөркул жана Исламидин - сүрөткерлер.
Сыйлыктары[түзөтүү | булагын түзөтүү]
2006 - жылы Кыргыз Республикасынын президентинин Ардак грамотасы,
2013 - жылы Кыргыз Республикасынын Жогорку Кеңешинин Ардак грамотасы менен сыйланган.
2014 - "Кыргыз Республикасынын маданиятынын мыктысы" төш белги ээси.
Чыгармалары[түзөтүү | булагын түзөтүү]
1998 - жылы Абдилаат Дооровдун "Миң тамыр"[1] ырлар жыйнагы жарык көрдү.
2010 - жылы "Гүл-гүл" үч саптык ырлар жыйнагы жарык көргөн. Ал тууралуу жылуу баасын берген акын Сооронбай Жусуев Абдилаат Алинин ырлары "бир жагынан карасаң, жапон хоккуларына окшоп кетет" деп жазган.
2014 - жылы "Ак булут" ырлар жыйнагы,
2018 - жылы "Мөл тунук" ырлар жыйнагы,
2020 - жылы Исхак Раззаков жөнүндө биографиялык “Исхак Раззаков - Аруулук асманы” китеби жарыкка чыкты.
Поэзия Фестивалы[түзөтүү | булагын түзөтүү]
Абдилаат Дооров Кыргызстанда уникалдуу поэзиялык фестивалдын 30 жылдан берки түзүүчүсү жана уюштуруучусу катары таанымал. "Лейлек Поэзия Күнү" деп аталган фестиваль жыл сайын 17-апрелде лейлектик акын Курбаналы Сабыровдун туулган күнүндө өтөт. Бул иш-чара жыл сайын чөлкөмдө жаңы акындардын ысымдарын чыгарып келатканы менен белгилүү.
Библиографиялык тизме[түзөтүү | булагын түзөтүү]
- Дооров, Абдилаат Али. Гүл-гүл. Ырлар жыйнагы. Кыргыз тилинде. - Бишкек: Полиграфбумресурсы, 2010. - 185 бет. - ISBN 987-9967-25-900-3.
- Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6
Интернеттеги шилтемелер[түзөтүү | булагын түзөтүү]
- http://www.monitoring.kg/?pid=126&cid=1&page=170 Archived 2016-03-05 at the Wayback Machine