Арап жылкысы
(«Араб жылкысы» барагынан багытталды)
Арап жылкысы — биздин замандын I миңинчи жылдарында Арап өлкөлөрүндө элдик селекция жолу менен чыгарылган миңгич жылкы. Анча чоң эмес, сымбаттуу. Ыйык жалынын бийиктиги 150—152 см, дене узундугу 149—150 см, көкүрөк курчамы 177 см, шыйрагынын жоондугу 18—19 см. Өңү аккула, боз. Орто кылымда Европага кеңири тарап, жергиликтүү жылкыны жакшыртуу үчүн пайдаланылган. Арап жылкысы таза кандуу, ыкчам жүрүштүү миңги жылкыларды (англия таза кандуу жылкысы, орлов таскактуу, тракенен, терек) чыгарууга катышкан. Чөлдүү жерге чыдамкай келет. Алыска чуркайт. Дүйнөнүн көп өлкөлөрүнө тараган. Кыргызстанда да бар. Жергиликтүү жылкы породаларын жакшыртуу максатында пайдаланылат.
Араб аттары искусстводо
[түзөтүү | булагын түзөтүү]Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1