Маматибраим Бостонкулов
Бостонкулов Маматибраим - акын жана обончу Маматибраим Бостонкулов Кара-Кулжа районунун Токбай-Талаа айылында 1954-жылы 28-февралда туулган.
1970-жылы «Ленинчил жаш» орто мектебин бүтүрүп, Оштогу №21 кесиптик окуу жайында билим алган. 1974–1975-жж. «Ленинчил жаш» колхозунун клубунун директору болуп иштеген.
1976–1980-жж. Ош шаарындагы Мамлекеттик музыкалык окуу жайынан билим алып, Ош облустук Эл чыгармачылык методикалык борборунда эмгектенген. 1982–1987-жж. Бишкектеги Бүбүсара Бейшеналиева атындагы Искусство институтунун хорду дирижерлөө бөлүмүндө окуган. 1984–2002-жж. Оштогу педагогикалык окуу жайынын мугалими, 2002–2003-жж. Ош Технологиялык университетинин маданий эстетикалык борборунун директору болуп иштеген.
М.Бостонкулов 1968-жылы алгачкы обондуу чыгармаларын жаратып, учурда 200дөн ашык обондун, 7 фортепианолук пьеса, сонаталардын, 5 хордук, 50дөй балдар үчүн чыгармалардын автору катары таанымал. Анын алгачкы “Наристе күлкүсү” аттуу китеби 1996-жылы жарык көргөн.
1975-жылы Кара-Кулжа районунун «Тоо-Булагы» ыр-бий ансамбли менен Москвада өткөн Бүткүл союздук кароо-сынакка катышып, лауреаттык наамга ээ болгон.
Эл чыгармачылыгынын Бүткүл союздук I, II, III кароо-сынактарынын, республикалык «Ыр кесе» оюн-зоок телеберүүлөрүнүн, республикалык, облустук, шаардык өздүк көркөм чыгармачылыгынын кароо-сынактарынын көп жолку лауреаты, дипломанты болгон.
Ош Технологиялык университетинин, Ош мамлекеттик университетинин гимнинин автору. Республикалык ички иштер министрлиги тарабынан жарыяланган милиция ырларынын кароо-сынагында «Милиция маршы» ыры менен 1-орунду, Кыргыз Республикасынын Коргоо министрлигинин жоокер ырлары сынагында «Сагынамын күт жаным» деген жоокер ыры менен 3-орунду жеңип алган. Ошондой эле ал Кыргыз Республикасынын Билим берүүнүн мыктысы жана Маданияттын мыкты кызматкери.
Ал “Кара-Кулжа районунун ардактуу атуулу” наамын алып, 2010-жылы Кыргыз Республикасынын Ардак грамотасы менен сыйланган. Ал эми 2014-жылы Жогорку Кеңештин Ардак грамотасы менен сыйланган.
2005-жылы Композиторлор Союзунун Ардактуу мүчөсү.
2006-жылдан Кыргыз Республикасынын Улуттук жазуучулар союзунун мүчөсү.
2013-жылы Кыргыз Республикасынын Театрлар Союзунун академиги.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]Наристе күлкүсү. – Ош, 1996. - 64 б.
Ыр кесе сизге сунулду. – Б.: Бийиктик, 2004. - 136 б.
Чакырык: Ырлар. – Б.: Бийиктик, 2004. - 220 б.
Мезгил сапары: Жыйнак. – Б.: Кагаз ресурс, 2005. - 176 б.
Балдарга ырдесте: 1-7-кл. Хрестоматия. – Б.: Бийиктик, 2008. - 220 б.
Шүүдүрүм: -Бийиктик, 2011, -212б
Ыр маанай: -"Полиграфбумресурсы" басмаканасы, Бишкек. 2012. -236б
Рух шыбагасы: Ош басмаканасы. Ош 2014, 140б
Маданият баалулуктарын сактаган сырдуу Ош 3015: Улуу тоолор,2015.180б
Колдонулган адабияттар
[түзөтүү | булагын түзөтүү]- Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6