Дюа Александр

Wikipedia дан

Дюа Александр (24. 7. 1802, Франция, Вилер-Котре – 5. 12. 1870, Пюи) – француз жазуучусу. Чыгармачылыгын 1825-ж. драматургия жанрында баштаган. Адабий айдыңга француз романтикалык драмасынын алгачкы туундуларынын бири «Генрих III жана анын сарайы» аттуу пьесасы (1829) аркылуу кеңири таанылган. «Антони» (1831), «Нель мунарасы» (1832) жана башка пьесалары белгилүү. 1835-ж. «Бавариялык Изабелла» деп аталган алгачкы романы жарык көргөн. 19-кылымдын 40-жылдары «Үч мушкетёр» (1844), «Жыйырма жыл өткөн соң» (1845), «Виконт де Бражелон» (1848–50) романдары Париж гезиттеринде жарыяланган. Генрих Наваррский жөнүндө үчилтик («Королева Марго», 1845; «Монсоро ханым», 1846; «Кырк беш», 1847–48), «Граф Монте-Кристо» (1845–46) романын, ошондой эле эскерүү, очерктерди да жазган. Бир катар чыгармалары кыргыз тилине которулган.

Колдонулган адабияттар[оңдоо | булагын оңдоо]

“Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1