Кичинекей ханзаада

"Кичинекей ханзада" (фр. Le Petit Prince, французча айтылышы: [lə pəti pʁɛ̃s]; англ. The Little Prince) — биринчи жолу 1943-жылы басылып чыккан аңгеме француз аристократы, жазуучусу, акыны жана учкучу Антуан де Сент-Экзүперинин (1900-1944) эң белгилүү эмгеги.

Аңгеме дүйнөдөгү эң көп которулган китептеринин бири болуп саналат жана Парижде 20-кылымдын мыкты китеби деп табылган. 300 тилге жана диалектиге (ошондой эле Брайл арибине) которулган, жыл сайын болжол менен эки миллион, ал эми дүйнө жүзү боюнча жалпы 140 миллиондон ашуун нускада сатылган чыгарма ушул убакка чейин жарык көргөн китептердин ичинен эң көп сатылган аңгемелердин бири болуп калган.

Экинчи дүйнөлүк согуш капысынан башталгандан кийин Сент-Экзүпери Түндүк Америка сүргүнгө айдалган. Жеке жашоосундагы өзгөрүүлөр болуп, ден соолугу начарлап жаткан шартта ал аңгеменин жарымын жазып койгон. Ал бөлүгү Жерге түшкөн жаш ханзааданын жалгыздыгы, достугу, сүйүүсү жана жоготуусу тууралуу жагымдуу жомоктон турган. Автордун мурдараак жазган эскерүүлөрүндө Сахара чөлүндөгү өзүнүн авиациялык тажрыйбаларын баяндаган жана "Кичинекей ханзаададагы" сүрөттөлгөн тажрыйба анын башынан өткөн окуя болгон деп айтылат.

Америка Кошмо Штаттарында алгач басылып чыгарылгандан кийин бул аңгеме бир нече көркөм чыгармачылыкка жана медиа түрлөрүнө ылайыкташтырылган. Ал аудио жазмалар, радио спектаклдер, сахналаштырылган көрсөтүүлөр, тасма, сыналгы, балет менен опера эмгектерине айланган.