Куинджи, Архип Иванович

Wikipedia дан
Jump to navigation Jump to search

Куинджи, Архип Иванович (1841–1910) – орус живописчиси, пейзажист. Сүрөт тартууну өз алдынча жана Петербург сүрөт академиясынан үйрөнгөн. К. 1892-жылдан академиянын профессор, 1893-жылдан пейзаж боюнча өнөркананын жетекчиси. Алгачкы чыгармалары И. Айвазовскийдин таасиринде жаралган. К-нин пейзаждык картиналары: “Унутулган кыштак” (1874), “Чумактар жолу” (1875; экөө тең Третьяков галереясы) кийинки чыгармаларында К. табият көрүнүшүн поэтикалык маанайда берүүгө көп далалаттанган жана алар декоративдүүлүгү менен айырмаланат (“Украина түнү”, 1876; “Кайыңдуу токой”, 1879; үчөө тең Третьяков галереясы). К. сүрөтчүлөр коомун түзүүнүн демилгечиси (1909; кийин коом К-нин ысымы менен аталган).

Колдонулган адабияттар[оңдоо | булагын оңдоо]