Математикалык талдоо

Математикалык талдоо — математиканын функцияны диференциалдык жана интегралдык эсептөөлөрдүн методдору менен изилдөөчү бөлүмү. Математикалык анализ функцияны чектер методдору менен да изилдейт.

Математикалык талдоо курсун франциялык илимпоз О. Коши чек түшүнүгү боюнча негиздеген. Математикалык талдоого математиканын дифференциал эсептөөлөр, интеграл эсептөөлөр, чыныгы өзгөрмөлүү функциялар теориялары, кадимки жана айрым туундулуу дифференциал теңдемелер теориялары, интегралдык теңдемелер теориясы, жакындаштыруу теориясы, дифференциал геометрия ж. б. кирет. Азыркы сандар теориясы жана ыктымалдык теориясы да математикалык талдоонун методдорун колдонуу менен өркүндөтүлүп жатат. Классикалык математикалык талдоонун нагыз уландысы — функциялык талдоо. Ага вариациялык эсептөө жана интегралдык теңдемелер теориялары да кирет.

Булактар

• «Кыргызстан» улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7