Аморфтук заттар
Аморфтук заттар — ички түзүлүшү боюнча бөлүкчөлөрү башаламан, иретсиз жайгашкан катуу заттар. Мисалы, айнек, фарфор, чопо жана башка. Аморфтук заттардын айырмалаган эң негизги касиети изотроптук касиет, башкача айтканда анын физикалык касиеттери: жылуулук өткөргүчтүүлүгү, бышыктыгы жана башка бардык багыттар боюнча бирдей болушат. Аморфтук заттардын белгилүү эрүү температурасы болбойт, алар температуранын жогорулашы менен жумшарып барып температуранын кандайдыр интервалында эрийт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1