Газиабад

Газиабад — Индиянын түндүк бөлүгүндөгү шаар. Уттар-Прадеш штатында. Калкы 1,3 млн (2006). Ганг жана Жамна дарыяларынын аралыгында, Делиден 19 км чыгышта (анын агломерациясына кирет). Ири жолдор тоому. 1740-ж. вазир Гази-уд-Дин тарабынан негизделген. Институттар (технологиялык башкаруу, Механика жана технология кришнаит) бар. Химиялык (боёк, лак жана башка), фармацевтика, металл иштетүү, текстиль (андан ичкери кооз кездемелер), полиграфия, тамак-аш (суумай), айнек, машина куруу (электр-техникалык буюмдары, темиржол вагондору, дизель кыймылдаткычы, велосипед жана башка) өнөр жай ишканалары иштейт.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4