Изоморфизм
Изоморфизм - (изо... жана гр. morphe форма) химиялык курамы боюнча бирдей заттардын окшош формада кристаллдануу касиети. Мында кристаллдарда жана минералдарда химиялык элементтер бири-бири менен алмашат. Изоморфизм химиялык элементтердин атомдук касиеттеринин окшоштугуна, пайда болгон кошундулардын мүнөзүнө жана түзүлүшүнө, термодинамикалык шартына байланыштуу. Изоморфизм жаратылышта кеңири тараган. Бул минералдардын химиялык курамынын татаалдыгы жана бир эле кошундудагы көп элементтин парагенезиси менен түшүндүрүлөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5