Ораньестад

Ораньестад – Аруба мамлекетинин борбору жана ири шаары. Аруба аралынын түштүк жээгинде, деңиз деңгээлинен 18 м бийиктикте жайгашкан. 1796-ж. форттун курулушуна байланыштуу пайда болгон. Калкы 35,3 миң (2010). Жолдор тоому. Эл аралык (королева Беатрикс атындагы) аэропорту бар. Гаванына көптөгөн круиздик кемелер кирет. Түштүк Америкадан, АКШдан, Европадан керектүү товарларды, азык-түлүк алат. Шаар арх-расы голландиялык курулушка окшош болгону менен жергиликтүү өзгөчөлүктөр менен коштолот. Соода борборлору, дүр-дүйнө дүкөндөрү иштейт.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7