Мазмунга өтүү

Капай уулу Арслан

Шилтемелерди кошуу
Википедия дан
(«Койчиев, Арслан Капай уулу‎»‎ барагынан багытталды)
Капай уулу Арслан
Туулган датасы:

29 -сентябрь 1965(1965-09-29) (59 жаш)

Туулган жери:

Жалал-Абад облусу, Токтогул району, Кетмен-Төбө өрөөнү, Токтогул кыштагы

Чыгармаларынын тилдери:

кыргыз

Капай уулу Арслан (мурунку аты-жөнү: Арслан Койчиев) — кыргыз тарыхчысы, жазуучусу, журналисти жана публицисти[1][2].

Өмүр баяны

[түзөтүү | булагын түзөтүү]

Арслан 1965-жылы 29-сентябрда Кыргызстандын азыркы Жалал-Абад облусуна караштуу Токтогул районунда жайгашкан Кетмен-Төбө өрөөнүндөгү Токтогул кыштагында айылдык тарыхчы мугалимдин үй-бүлөсүндө туулган[1].

1986-1991-жылдары Арслан Кыргыз мамлекеттик университетинин тарых бөлүмүндө билим алып, артыкчылык диплому менен тарыхчы жана тарых менен коомтаануу сабактарынын окутуучусу адистигин алган. 1991-1992-жылдары ошол эле бөлүмдө тажрыйбачы-изилдөөчү болуп иштеген. 1992-1995-жылдары Кыргыз Мамлекеттик Университетинин Тарых бөлүмүндө аспирантурада окуган. 1996-жылы Тынчтыкбек Чоротегиндин илимий жетекчилиги астында жазган илимий эмгегин ийгиликтүү коргоп, тарых илимдеринин кандидаты илимий наамын алган. 2002-2003-жылдары Лондон университетинин Чыгыш жана Африка изилдөөлөр мектебинин (School of Oriental and African Studies) укук жана социалдык илимдер бөлүмүндө эл аралык жана азыркы укуктук изилдөөлөр боюнча магистратура программасын бүтүргөн[1].

1991-1993-жылдары Арслан Кыргызстан Демократиялык Кыймылынын (КДК) активдүү мүчөсү болгон. Ал 1994-1996-жылдары Бишкектеги «Азаттык» үналгысында кабарчы болуп иштеп, ошол эле учурда 1995-жылы «Кутбилим» гезитинде баяндамачы катары эмгектенген.

1996-2010-жылдары Лондондо жашап, Би-Би-Си дүйнөлүк кызматындагы Кыргыз кызматынын продюсери болуп иштеген. 2021-жылы Кыргыз Республикасынын Президентинин кеңешчиси болуп дайындалган[3].

Чыгармачылыгы

[түзөтүү | булагын түзөтүү]

Анын «Мисмилдирик (Беделдеги каргыш)» романы 1916-жылкы кыргыздын улуттук-боштондук көтөрүлүшүнүн тарыхына арналган. Бул роман 2009-жылы Бишкек шаарында кыргыз тилинде жарыкка чыкты[1].

«Айта бар менин кебимди» деп аталган роман жазуучунун «Ысык-Көл Форуму», «Жаңы Ала-Тоо» журналы жана «Турар басмасы» уюштурган «Арча» адабий сынагынын жеңүүчүлөрүнүн катарына кирип, 2012-жылдын 23-мартында экинчи даражадагы адабий сыйлыкка татыган[4].

Романда совет доорундагы саясий жана моралдык кыйынчылыктарды башынан өткөргөн Турар Атаевдин кейиштүү тагдыры аркылуу Кыргызстандын 20-кылымдагы атуулдарынын коомдук жана моралдык күрөшү көркөм баяндалат[5].

2014-жылы «Бакшы менен Чынгыс хан» аттуу романы үчүн «Арча» адабий сыйлыгынын баш байгесине татыган[6].

Жарык көргөн китептери

[түзөтүү | булагын түзөтүү]

«Добул-таштык Заратустранын аңгемеси» жана «Мисмилдирик (Беделдеги каргыш)» түрк тилине которулган[8][9].

Булактар

[түзөтүү | булагын түзөтүү]
  1. ↑ 1.0 1.1 1.2 1.3 Чоротегин, Тынчтыкбек. Арслан Капай уулу: Калемгердин замандашка айтчу кеби арбын (29.9.2015).
  2. ↑ В Бишкеке презентовали роман Арслана Капай уулу, переведенный на турецкий язык, kabar.kg (20.09.21).
  3. ↑ Арслан Койчиев президенттин кеңешчиси болуп дайындалды, ЭлТР телерадиоберүү компаниясы (21.12.2022).
  4. ↑ «Арча» адабий сыйлыгынын жеңүүчүлөрү аныкталды, BBC кырыгыз кызматы (23.03.2012).
  5. ↑ Капай уулу, Арслан. Айта бар менин кебимди (PDF). 
  6. ↑ Ботобеков, Уран. Айтматов, тарыхый аң-сезим жана Арслан Койчиевдин мифологемасы, Азаттык үналгысы (25.7.2016).
  7. ↑ Эрмек Шоруков: “Добул-таштык Заратустранын аңгемеси” повестине ой-пикир, Рухэш (18.06.2022).(жеткиликсиз шилтеме)
  8. ↑ Түрк окурмандарына сенсация жараткан кыргыз жазуучу, BBC Кыргыз кызматы (20.09.2021).
  9. ↑ Абдылдаев, Айбек. Арслан Капай уулу: "Мисмилдирик" - майдаланып кетүү, азыр дагы ушундай коркунучтабыз, BBC News кыргыз кызматы (29.1.2020).
"https://ky.wikipedia.org/w/index.php?title=Капай_уулу_Арслан&oldid=493876" булагынан алынды