Лондон

Улуу Британиянын борбор шаары Лондон Лондон Желек Герб Өлкө Улуу Британия, АнглияУлуу Британия, Англия Статусу Борбор-шаар Ички бөлүнүшү 33 аймак Мэр Борис Жонсон Негизделген 43-жылдары Мурунку аталышы Лондиниум, Люнденбург Климатынын тиби мэлүүн климат Расмий тили англис тили Калкы ▲ 8,174,100 адам (2011-жыл) Жыштыгы 4761 адам/км² Агломерация 12 300 000 - 13 945 000 чейин Улуттук курамы англичандар (57,7 %), ирландиялыктар (2,4 %), мигранттар (индустар, нигериялыктар, пакистандыктар, бангладештиктер, кениялыктар ж.б.) 30,9% Диний курамы христиандар (58,2 %), атеистер (15,8 %), мусулмандар (8,5 %) Этнохороним лондондук, лондондуктар Убакыт аралыгы UTC0, жайында UTC+1 Телефон коду +44 20 Расмий сайты http://www.london.gov.uk/  (англ.)

Ло́ндон (англ. London [ˈlʌndən] (i)) – Улуу Британия Бириккен Падышалыгынын жана Түндүк Ирландиянын борбору, Англиядагы шаар. Административдик түрдө, церемониалдык Чоң Лондон жана Сити графтыктарынан турган, Чоң Лондон аймагын түзөт.

Калкы - 8,2 млн киши (2011 жыл), Евробиримдиктеги эң чоң шаар. Метрполитен чегинде 12 миллиондон жогору адам жашап, «Чоң Лондон» агломерацияны түзөт. Улуу Британия аралынын түштүк-чыгышында, Темза дарыясынын жээгинде, Түндүк деңизинен 80 км алыстыкта жайгашкан.

Нью-Йорк шаары менен дүйнөлүк алдыңкы каржы борбору наамы үчүн күрөшкөн, глобалдык шаарлардын бири. Дарыя жана деңиз порту; алты аэропорт; эң эски дүйнөдөгү метрополитен. 40тан ашык ЖОЖ (Жогорку Окуу Жайы) иштейт. Британ музейи жана дүйнөдөгү эң чоң Британ китепканасы орун алган.

Тарых борборун Орто Кылымдагы Тауэр чеби жайгашкан, Вестминстер жана Сити райондору түзөт. 1666 жылы өрттөн улам шаар катуу талкалоого учураган. 43 жылы римдиктердин Британияга жасаган кол салууларынан кийин, римдиктер менен Лондиниум аты менен түзүлгөн. XI—XII кылымдарда Англиянын борбор шаарына айланган. XVIII кылымдын башында Улуу Британиянын борбору жана Европанын эң чоң шаарына айланды. XVI кылымдан XX кылымга чейин Британ империясынын борбору болуп турду. 1825 жылдан 1925 жылдары дүйнөдөгү эң чоң шаар болгон.