«Голубая роза»

«Голубая роза» – орус сүрөтчүлөрүнүн көркөм бирикмеси. Аты окшош көргөзмөдөн (1907, Москва, «Золотое руно» журналы уюштурган) аталышын алган. «Голубая розанын» чыгармачыл мүчөлөрүнө (Н. Н. Сапунов, С. Ю. Судейкин, А. В. Фонвизин ж. б.) ачык колориттеги декоративдүү композициялар, боёктордун күңүрт айкалышы таандык. «Голубая розанын» кээ бир мүчөлөрү (Н. П. Крымов, П. В. Кузнецов, А. Т. Матвеев, М. С. Сарьян ж. б.) көркөм сүрөт искусствосунун чоң чеберлери болушкан.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4