«Манас» адабий-этнографнялык музейи

Wikipedia дан
Jump to navigation Jump to search

«Манас» адабий-этнографнялык музейи. 1976-ж. Кыргызстан КП БКнын жана Кыргыз ССР Министрлер Советинин токтомуна ылайьік Таласта Манас күмбөзүнүн жанына «Манас» адабий-этнографиялык музей түзүү каралган жана музей түзүлгөн. Музейдин көргөзмө бөлмөсүнүн аянты 30 лгди түзөт. Ал эки бөлүмдөн турат: 1) 19-кылымдын аягы — 20-кылымдын башына таандык этнографиялык буюмдар; 2) «Манас» эпосунун кино, театр, сүрөт өнөрүнө тийгизген таасири жөнүндөгү жана эпоско байланыштуу илимий жана адабий чыгармалар коюлган. Музейдин фондусунда 500гө жакын экспонат, анын ичинде этнографиялык буюмдар, археологиялык табылгалар, фотосүрөттөр, живопись жана графикалар бар. Музейде 5 кызматкер иштейт. 1988-ж. бул музейди «Манас» мамлекеттик музей-коругу деп аталып, уюштуруу жана комплектөө маселелерине байланыштуу бир кыйла иш чаралар жүргүзүлө баштады. Улуттук рухтун калыптанышында, ыймандуулукка жана эстетикалык тарбиялоо ишинде музейдин пропагандалык мааниси зор. Анда эмгектин, согуштун ардагерлери, эмгек баатырлары менен жолугушуулар уюштурулуп, «Манастын» элдин тарыхы менен байланышы, эпостун мааниси жөнүндө лекция, доклад, тематикалык кечелер өткөрүлүп турат.

Колдонулган адабияттар[оңдоо | булагын оңдоо]

  • "Манас" энциклопедиясы/Мамлекеттик тил жана энциклопедия борбору.Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4