Аба транспорту

Wikipedia дан
Jump to navigation Jump to search
Аба транспорту (2009-ж).

Аба транспортужүргүнчү, почта, жүк ташуучу транспорттун бир түрү. Аба транспорту 1-дүйнөлүк согуштан кийин пайда болду. СССРде аба транспортунун өнүгүшүнө 1923-ж. Бүткүл россиялык «Добролет» ыктыярдуу аба флоту жана «Укровоздухпункт» коомдорунун түзүлүшү өтө чоң түрткү берген. Советтик Союзу учурунда дүйнөдөгү эң ири аба державасы болгон. 1972-ж. аба жолунун узундугу 780 миң кмди түзүп, аба транспорту 3500 айыл-кыштакты жана шаарды байланыштырган, 1971-ж. 82 млн жүргүнчү, 2087 миң почта жүк ташыган; токой, айыл чарба үчүн 74 млн га жерге химиялык иштерди жүргүзгөн. 1950-жылдан тартып аба транспортунда винттүү самолёттор реактивдүү самолёттор менен алмаштырыла баштаган. Кыргызстанда аба транспортунун өнүгүшү 1924-ж. Бүткүл россиялык «Добролет» ыктыярдуу аба флотунун Орто Азиялык бөлүгүнүн түзүлүшүнө байланыштуу. Республикада аба транспорту негизинен Улуу Ата Мекендик согуштан кийин өнүктү. Азыр республиканын айрым райондору менен аба транспорту аркылуу байланыш түзүлүп, дүйнөдөгү көп мамлекеттерге самолёт үзгүлтүксүз каттайт. Республиканын аба транспорту АН-2, ЛИ-2, ЯК-12, ИЛ-14, ИЛ-18, АН-24, ЯК-40, ИЛ-62 самолёттору менен толукталууда.

Байланыштуу макалалар[оңдоо | булагын оңдоо]

Колдонулган адабияттар[оңдоо | булагын оңдоо]

  • “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1