Абсолюттук минимум

Абсолюттук минимум метеорологиялык элементтердин (абанын температурасы, атмосфералык басымы жана башка) белгилүү бир чөйрөдө, аймакта, өлкөдө же жалпы эле Жер шарында көп жылдык байкоо жүргүзүүнүн негизинде аныкталган эң төмөнкү өлчөмү; эң суук жер. Дүйнө жүзүндөгү эң суук жер Антарктидада, анда (Чыгыш станциясында) температуранын абсолюттук минимум -89,2 С катталган, Түндүк жарым шарда ал -68 С (Якутиядагы Оймякондо), Кыргызстанда -54 Сге чейин (Ак-Сайда) төмөндөгөн.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1