Адыр-Төр, тоо
(«Адыртөр тоосу» барагынан багытталды)
Адыр Төр тоо — Борбордук Теңир тоонун түндүк-чыгышында. Сарыжаз суусунун алабындагы Семёнов жана Мушкетов мөңгүлөрүн бөлүп турат. Узундугу 34 км, туурасы 8 км. Орточо бийиктиги 4420 м, эң бийик жери 4657 м. Негизинен карбондун акиташ, сланес тектеринен турат.
Рельеби асимметриалуу: түштүк капталы Адыр Төр суусу менен Мушкетов мөңгүсүн карай тигирээк, түндүгү Сарыжаз өрөөнүн карай жантайыңкы. Түндүк капталы мөңгүлүү, кыска өрөөндөр менен тилмеленген. Мөңгүлөрдүн жалпы айанты 49 км² . Тоо этегине бийик тоолуу шалбаалуу талаа (3100– 3500 м бийиктикте), андан жогору нибалдык ландшапт алкактары мүнөздүү.
Колдонулган адабияттар
[түзөтүү | булагын түзөтүү]- Кыргызстандын географиясы Archived 2014-07-14 at the Wayback Machine ISBN 9967-14-006-2