Аму-Дарыя казынасы

Аму-Дарыя казынасы – Грек-Бактрия дооруна (биздин заманга чейинки 4–2-кылым) таандык эстелик. 1877-ж. Самаркандан Кундузга кеткен жолдогу Аму-Дарыянын кечүүсүнө жакын жерден табылган. Аму-Дарыя казынасынын табылгасы 179 алтын, 7 күмүш буюм, 1300 коло тыйындан турат. Бул табылга 1897-ж. Индия аркылуу «Британия» музейине жеткирилген. Анда алтындан куюлган статуялар, билериктер, ат, араба, эчки, каз, балык жана башка бар. Байыркы көчмөн сак жана скиф урууларынын жакындыгы бар экендигин далилдейт.

Колдонулган адабияттар

• “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1