Антисимметрия
Антисимметрия – математикалык фигуралардын же объектилердин белгилеринин алмашуу операциялары аркылуу айкалышып, симметрия операцияларынын жардамы менен өзүнө - өзү дал келишүүчү геометриялык фигуралардын жана объектилердин касиети.
Фигуранын белгисин (знактарын) өзгөртүү түшүнүгүнүн физикалык мааниси эң эле ар түрдүү болот. Аларга: электрдик, бариондук, лептондук же башка заряддардын белгилеринин, кыймылдын (алга-артка) белгисинин (багытынын), деформациялардын (созулуу-кысылуу) белгилеринин (түрлөрүнүн) алмашууларын, томпоктукту иймектик менен алмаштырууну, негативди позитивге айландырууну ж.д.у.с. белгилерди киргизүүгө болот. Анти октордун айланасында түрдүү бурчка болгон антибурулуштар, тегиздиктен античагылуулар, антиинверсиялар Антисимметриялык операцияларга кирет.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Физика. Энциклопедиялык окуу куралы. 2004 Бишкек. ISBN 9967-14-010-0