Апаат

Апаат, алаамат - адамзатты кырсыкка жана материалдык бүлгүнгө учуратуучу табият кубулуштары жана кырсыктары. Аларга жер титирөө, жанар тоолордун атылышы, суу ташкыны, сел жүрүү, кургакчылык, бороон-чапкын, цунами, катуу шамалдар (торнадо, куюн) жана башкалар кирет. Негизинен жер шарында болжолдуу 70ке жакын, ал эми Кыргызстанда 20дай табигый кырсыктар катталган. Апаат көбүнчө капысынан болуп, адамзатка жана чарбага көп залал келтирет.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1