Арагуая

Арагуая - Бразилиядагы дарыя, Токантинс дарыясынын (Амазонканын алабы) негизги сол куймасы. Узундугу 2630 км, алабынын аянты 370 миң км²дей. Бразилия бөксө тоосу аркылуу агат. Ортоңку агымында эки айрыкка бөлүнүп, дүйнөдө эң ири дарыя аралдарынын бири - Бананалды (узундугу 300 кмден ашык) пайда кылат. Төмөнкү агымы босоголуу. Суусунун орточо чыгымы 8500 м³/секдай. Ортоңку агымында (1300 км аралыкта) кеме жүрөт.

Колдонулган адабияттар

“Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1