Арамей жазуусу
Арамей жазуусу - биздин заманга чейинки 9-кылымда семит урууларынын бири - арамейлер чыгарган алфавиттик жазуу. Финикия жазуусунун негизинде пайда болуп, үнсүз тыбыштар гана берилген. Арамей жазуусу 8-кылымдын аяк ченинен баштап Ассирияда кеңири колдонулган, 6-4-кылымда Кичи Азиядан Индияга чейин тараган. Байыркы эстеликтери биздин заманга чейинки 9-8кылымга таандык. Арамей жазуусунан сирия, несториан, еврей, араб, пехлеви, байыркы уйгур, байыркы монгол жана башка жазуулары келип чыккан.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1