Асаналиев Байтемир
Асаналиев, Байтемир (1940) - акын, котормочу, журналист. 1940-жылы 10-ноябрда Тянь-Шань районуна караштуу Чет-Нура кыштагында туулган. Өз айылындагы жети жылдык мектептен, Нарын шаарындагы №1 Токтогул атындагы орто мектептен окуган. 1963-жылы Кыргыз мамлекеттик университетинин филология факультетин бүтүргөн. Мектепте окуп жүргөндө гезиттерге макалаларын, студент кезинде алгачкы ырларын мезгилдүү басма сөз беттерине жарыялаган.
1963–1965-жж. Нарын шаарындагы мектептерде мугалим, республикалык басма сөз боюнча комитетте редактор, 1966-жылдан «Мектеп» басмасында редактор, улук редактор, 1979–1986-жж. башкы редактор, 1986–1987-жж. «Кыргызкитеп» соода бирикмесинде бөлүмдүн начальниги, 1987–1991-жж. «Кыргызфильм» киностудиясынын котормо кино бөлүмүндө редактор жана улук редактор кызматын аткарган. 1991-жылдан «Байчечекей» журналында жооптуу катчы болуп иштеп келүүдө.
Алгачкы балдарга арналган «Жаз боегу» ырлар жыйнагы 1967-жылы жарык көргөн.
Б.Асаналиевдин ырлары азербайжан, казак, литва, тажик, түркмөн, чех ж.б. тилдерге которулган.
Б.Асаналиев бир топ чет элдик акын-жазуучулардын чыгармаларын, көркөм тасмалар менен мультфильмдерди кыргыз тилине которгон.
1975-жылдан Жазуучулар союзунун, 1973-жылдан Журналисттер союзунун мүчөсү.
1976-жылы СССРдин «Басма сөз отличниги», 1982-жылы «Кыргыз ССРинин Эл агартуусунун отличниги» төш белгилери менен сыйланган. 1997-жылы Тоголок Молдо атындагы адабий сыйлыктын лауреаты деген наамы ыйгарылган. 2001-жылы ал «Кыргыз Республикасынын маданиятына эмгек сиңирген ишмери» деген ардактуу наамга татыктуу болгон.
2006-жылы Кыргыз Республикасынын Ардак грамотасы менен сыйланган.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]Жаз боегу: Ырлар. – Ф.: Мектеп, 1967. – 48 б.
Булак күүсү: Ырлар. – Ф.: Мектеп, 1970. – 58 б.
Кыял сапары: Ырлар. – Ф.: Мектеп, 1974. – 136 б.
Кездешүү: Ырлар. – Ф.: Мектеп, 1976. – 100 б.
Ойлонуу: Ырлар. – Ф.: Адабият, 1990. – 126 б.
Табышмактар. – Б.: Учкун, 1996. – 14 б.
Балдар неге күлүштү?: Ырлар, табышмактар, калптар, аңгемелер. – Б.: Кыргызстан, 1998. – 80 б.
Күздө ачылган гүлдөр. – Б.: Бийиктик, 2002. – 160 б.
Айбанаттар паркында: Ырлар, табышмактар. – Б.: Бийиктик, 2004. – 88 б.
Орус тилинде
[түзөтүү | булагын түзөтүү]Край, в котором я живу: Стихи. – Ф.: Кыргызстан, 1979. – 80 с.
Краски весны: Стихи. – Ф.: Мектеп, 1981. – 25 с.
Котормолору
[түзөтүү | булагын түзөтүү]Тургенев И.С.. Түркөй: Аңгемелер. – Ф.: Мектеп, 1968. – 48 б.
Мар Е.П. Найзадагы желек: Аңгемелер. – Ф.: Мектеп, 1969. – 200 б.
Титов В.А. Ажалды ардантып: Повесть. – Ф.: Мектеп, 1971. – 188 б.
Чуковский К.И. Эр жүрөк Персей: Эки жомок. – Ф.: Мектеп, 1972. – 24 б.
Барто А.Л. Кышкы токойдон гүл терүү: Ырлар. – Ф.: Мектеп, 1977. – 91 б.
Нгуен Динь Тхи. Алга карай, чабуулга!: Повесть жана аңгемелер. – Ф.: Мектеп, 19781. – 188 б.
Калиев С. Салам сага, мектебим!: Ырлар. – Ф.: Мектеп, 1983. – 72 б.
Исаковский М.З. Лирика: Ырлар. – Ф.: Мектеп, 1986. – 56 б.
Цыден-Жап Жимбиев. Адамдын ысмы. Ырлар: Мектеп жашындагы кенже балдар үчүн. – Ф.: Адабият, 1988. – 64 б.
Колдонулган адабияттар
[түзөтүү | булагын түзөтүү]- Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011 ISBN 978-9967-26-379-6
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|