Таити

Таити – Тынч океанындагы жанар тоо аралы. Полинезиядагы анын ичинен Коом арал тобунун эң ири аралдарынын бири. Франциянын карамагында. Аянты 1042 км². Калкы 178 мин (2007). Эки тоо тутумунан туруп, бири-бири менен кууш мойнок (Тараваи) аркылуу туташат. Шуру рифтери менен курчалган. Too ландшафты мүнөздүү. Бийиктиги 2241 мге (Орохена жанар тоосу) жеткен тоо капталын нымдуу тропик токойлору каптап жатат. Аралда Франция полинезиясынын административдик борбордук жана аралдагы негизги порт – Папеэте шаары жайгашкан.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9