Атрибут
Атрибут (лат. attributum – бир нерсеге таандык касиет) – көркөм искусство тарыхында – көркөм чыгарманын тигил же бул кейипкерине таандык айырмалоо белгиси жана ушул гана нерсеге таандык, аны менен байланыштуу буюм, касиет, кыймыл. А. мифологиялык жана диний темаларда жазылган чыгармаларда көбүрөөк кездешет (мис., Нептун дайыма үч тиштүү найза м-н, Ыйык Цецилия орган менен сүрөттөлөт). Мындай чыгармалардын сюжетин аныктоодо А. көп учурда негизги каражаттардын бири болгон.
Колдонулган адабияттар
[түзөтүү | булагын түзөтүү]- Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004