Ахмадабад
Ахмедабад - Индиядагы шаар. Батыш Индиянын маанилүү өнөр жай жана соода борбору. Сабармати дарыясынын боюнда жайгашкан. Гужарат штатында. 1411-жылы негизделген. Калкы 3,7 млн (2005). Жолдор тоому. Текстиль өнөр жайынын (кебезден жип ийрүү жана токуу, жасалма жибек) ири борбору. Металл иштетүү, химия, булгаары, ширеңке өнөр жайы бар. Кустардык жол м-н парча, жибек токуп чыгаруу, зер жана лак буюмдарын жасоо, көркөм оймо түшүрүү өнүккөн. Гужарат университети, триумфалдуу Тин-Дарваза дарбазасы (15-кылым), Рани-Сипри мечити күмбөзү менен (1514-жылы курулуп бүткөн) сакталган.
Колдонулган адабияттар
[түзөтүү | булагын түзөтүү]- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1