Ахметов, Төлөндү (Тынай)
Ахметов, Төлөндү (Тынай) (1938–1993) - жазуучу, котормочу. Чүй районуна караштуу Кызыл-Аскер айылында 1938-жылы 12-сентябрда туулган.
1964-жылы КМУнун филология факультетинин журналистика бөлүмүн, 1973-жылы Кыргыз ССРинин ИАсынын аспирантурасын бүтүргөн.
1964–1966-жж. Советтик Армиянын катарында кызмат өтөгөн. 1966-жылдан КирТАГда корректор, Кыргызмамархивде илимий кызматкер, Кыргыз ССРинин ИАсынын Тил жана адабият институтунда кенже илимий кызматкер, «Ала-Тоо», «Жаш ленинчи» журналынын редакциясында адабий кызматкер болуп иштеген. 1979-жылдан «Кыргызфильм» киностудиясында улук редактор болуп эсептелген.
«Сагыныч» аттуу биринчи аңгемелер жыйнагы 1969-жылы чыккан. Ал кыргыз прозасынын өнүгүш көйгөйлөрүнө арналган бир катар адабий сын макалалардын автору. Т.Ахметов Е. Носовдун, И.Зиедонистин, Н.Ермоловичтин ж.б. чыгармаларын, 500дөн ашык фильмдердин тексттерин которгон. 1986-жылдан СССР Жазуучулар союзунун мүчөсү болгон.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]Сагыныч: Повесттер. – Ф.: Кыргызстан, 1969.
Кез ушул : Баян. – Ф.: Кыргызстан, 1983. – 176 б.
Котормолору
[түзөтүү | булагын түзөтүү]Носов Е. Где просыпается солнце?: Рассказы. – Ф.: Мектеп, 1983. – 36 б.
Зиедонис И. Разноцветные сказки. – Ф.: Мектеп, 1985. – 76 б.
Ермолович Н. Дорога солдата. – Ф.: Мектеп, 1986. – 36 б.
Колдонулган адабияттар
[түзөтүү | булагын түзөтүү]- *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011 ISBN 978-9967-26-379-6
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|