Бадинов Толибжон

Бадинов Толибжон - (1939, Өзбек ССРи, Анжиян облусу, Избаскен району, Чуама кыштагы) актёр, Кыргыз ССР эл артисти (1988). 1955-62-жылдары С. М. Киров атындагы Ош өзбек музыкалык-драма театрында иштеген. 1963-70-жылдары Ташкен мамлекеттик консерваториясында окуган (бир эле мезгилде Өзбек радиоуктуруу жана телекөрсөтүүсүнүн маком (ыр) ансамблинин солисти). 1964-73-жылы Ташкен шаарындагы Мукими атындагы театрда, 1973-жылдан Ош өзбек музыкалык-драма театрында артист. Аткарган негизги ролдору: Равшан (К. Яшин, «Равшан менен Зулмухор»), Сабир (И. Акрамов, «Адолат»), Ашырбай (Т. Абдумомунов, «Ашырбай»), Сарытаз (Ж. Садыков, «Манастын уулу Семетей») жана башка Бадиновдун макомдору (ырлары) жазылган грампластинкалары чыккан.

Колдонулган адабияттар

• “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1