Баланын өнүгүү күндөлүгү
Баланын өнүгүү күндөлүгү – баланын психикалык жана дене-бой жактан өсүп–өнүгүшүн күндөлүк турмушта байкоо аркылуу топтолгон материалдарды такай жазуучу дептер.
Күндөлүк дептер үй бүлөдө ата-энелер, ал эми балдар бакчаларында тарбиячылар тарабынан толтурулат. Чогултулган материалдардын негизинде тарбиячы, ата-эне баланын өсүп-өнүгүшүн шарттоочу жана текшерүүчү педагогикалык ыкмаларды тандап алышат.
Баланын өнүгүү күндөлүгү мектепке баруучу балага мүнөздөмө түзгөнгө орчундуу негиз болот. Баланын өсүп-өнүгүшүн күндөлүктөгү жазуулар аркылуу байкоо, жыйынтыктоо биринчи жолу Тэн (1876) жана Дарвин (1877) аркылуу ишке ашырылган. Азыркы күндө Баланын өнүгүү күндөлүгү ата-энелер, тарбиячылар, илим изилдөөчү педагог, дарыгерлер тарабынан жүргүзүлөт.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Педагогика (энциклопедиялык окуу куралы). - Б.: 2004,
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|