Бий музыкасы

Бий музыкасы элдик оюн-зоок кечелерде бийлерди коштоочу ар кандай жанрдагы музыка. Бий музыкасы бийдин түрүнө, жүрүшүнө карата ыргакка негизделет. Ал көбүнчө аспаптык ансамблдин же бир аспаптын (барабан, дап ж. б.) коштоосу менен аткарылат. Бий музыкасы дүйнөнүн көп элдеринин музыкасындагы салттуу жанр. Бий өнөрү анча өнүкпөгөн элдерде (мисалы, казак, кыргыз ж. б.) бий музыкасы пайда болуп, өз алдынча жанр катары өнүгүүдө.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4