Богемия айнеги

Богемия айнеги, чех айнеги Чехияда (Богемияда) өнүккөн көркөм промысел; ошол промыселдин буюмдары. 14-15-кылымдан белгилүү. Аны жасоо 16-кылымдын аягынан император Рудольф 2 нин тушунда айнекке кесип сүрөт түшүрүү техникасы иштелип чыккандан баштап жакшы өөрчүгөн. Богемия айнеги 17кылымдын экинчи жарымында барокко мезгилинен кеңири белгилүү, ал учурда кыр чыгарылган чех хрусталы жасала баштаган. Азыркы богема айнегине салт болуп калган кыр чыгаруу ыкмалары менен катар, түс, тунуктук жана фактуралык натыйжа бере турган башка пластикалык айкын формалар мүнөздүү.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4