Бондapeв Юрий Васильевич

Бондapeв Юрий Васильевич (15. 3. 1924-ж. т., Омск) орус жазуучусу, Социалистик Эмгектин Баатыры (1984). Улуу Ата Мекендик согушка катышкан. М. Горький атындагы адабий институтун бүткөн (1951). 1949-жылдан чыгармалары жарыялана баштаган. «Ок сураган батальондор» (1957), «Акыркы атышуу» (1959) деген повесттери жазуучуга ийгилик алып келген. Бондаревдун «Ысык кар» (1969) аттуу романында Сталинграддагы салгылашуу чагылдырылган. «Тынчтык» (1962), «Жээк» (1975), «Тандоо» (1980), «Оюн» (1985), «Азгыруу» (1991) романдарынын, ошондой эле «Көз ирмем» (1972) лирика-философиялык публицистикасынын автору. Бондарев СССР мамлекеттин сыйлыгы (1977, 1980, 1983) жана Лениндик сыйлыктын лауреаты (1972).

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4