Борис Суслов

Wikipedia дан
Jump to navigation Jump to search

Суслов Борис Васильевич (1930-ж.т., Аламүдүн району) - балет бийчиси. Кыргыз Республикасынын эмгек сиңирген артисти 1939-ж. Кыргыз опера жана балет театрынын балет студиясында,1952-ж.

Кыргыз мамлекеттик М. Күрөңкеев атындагы музыкалык-хореографиялык окуу жайында окуган.

1950-жылдан опера жана балет театрынын балеттик тобунда иштейт. «Бахчисарай фонтандан» Вацлов менен Нуралинин, «Ак куу көлүнөн» Принцтин, «Уйкудагы сулуудан» Принц менен Дезиренин,«Анардан» Багыштын, «Доктор Ай-болиттен» Бармалейдин, «Раймондадан» Жан де Бриен менен Абдерахмандын, «Сыйкырдуу флейтадан» Пьердин, «Ромео менен Джульеттадан» Ромео менен Тибальддын ж. б. Ролдорду аткарат.

1972-жылдан режиссёрдун жардамчысы, көркөм жетекчинин ассистенти. 1958-ж. Москвада өткөн кыргыз адабияты менен искусствосунун катышуучусу. Театр коллективи менен КМШ өлкөлөрүнүн чоң шаарларында гастролдо болгон. Кыргыз ССР Жогорку Советинин Ардак грамотасы, «Ардак Белгиси» ордени менен сыйланган.

Колдонулган адабияттар[оңдоо | булагын оңдоо]

Алагушов, Балбай. Кыргыз музыкасы: Энциклопедиялык окуу куралы / Башкы редактору Үсөн Асанов. – Бишкек: Мамлекеттик тил жана энциклопедия борбору, 2004. – 400 бет. -ISBN 9967-14-016-X.