Рэй Брэдбери

Wikipedia дан
(Брэдбери, Рэй барагынан багытталды)
Jump to navigation Jump to search
Рэй Брэдбери (1975).

Рэй Дуглас Брэдбери (англ. Ray Douglas Bradbury; 1920-жыл 22-август — 2012-жыл 5-июнь) — америкалык жазуучу жана сценарист болгон. Ал фэнтези, илимий фантастика, коркунучтуу жана табышмактуу фантастика жанрлары сыяктуу бир катар багыттарда жазган.

Көбүнесе өзүнүн "Фаренгейт 451" (англ. Fahrenheit 451, 1953) дистопиялык романы, "Марстыктын жылнаамасы" (англ. The Martian Chronicles, 1950) илимий фантастикалык жана коркунучтуу окуялар жыйнагы, "Сүрөттөлгөн адам" (англ. The Illustrated Man, 1951) жана "Мен Боди электрикти ырдайм" (англ. I Sing the Body Electric, 1969) чыгармалары менен таанылган Брэдбери 20 жана 21-кылымда жашаган эң атактуу америкалык жазуучулардын бири болгон. Анын белгилүү болгон эмгектеринин көбү фантастикалык болгону менен ал "Каакым шарабы" (англ. Dandelion Wine, 1957) аттуу жетилүү же болбосо "Жашыл көлөкөлөр, ак кит" (англ. Green Shadows, White Whale, 1992) аттуу фантастикалык эскерме сыяктуу башка жанрларда да жазган.

2007-жылдагы "Пулитцердин шилтеме" сыйлыгына жана башка көптөгөн сыйлыктарга ээ болгон Брэдбери өзү сценарий жазып, телесериалдарга сценарий жазгандарга, анын ичинде "Моби Дик" (англ. Moby Dick) жана "Ал башка планетадан келген" (англ. It Came from Outer Space) тасмаларынын сценарийлерине кеп-кеңешин берген. Анын чыгармаларынын көбү комикстерге, теле сериалдарга жана тасмаларга ылайыкташтырылган.

2012-жылы көзү өтүп кеткенде The New York Times гезити Брэдберини "заманбап илимий фантастиканы негизги адабий агымга алып келүүгө аябай көп жоопкерчилик алган жазуучу" деп атаган.

Өмүр таржымалы[оңдоо | булагын оңдоо]

Чыгармалары[оңдоо | булагын оңдоо]

Шилтемелер[оңдоо | булагын оңдоо]