Фаренгейт 451

Wikipedia дан

"Фаренгейт 451" (англ. Fahrenheit 451) — америкалык жазуучу Рэй Брэдберинин 1953-жылы жарык көргөн дистопиялык романы. Бул анын эң мыкты чыгармаларынын бири болуп саналат. Романда Американын келечектеги коомчулугу тууралуу баяндалат. Анда китептерге тыюу салынып, эгер китептер табылып кала турган болсо аларды "өрт өчүргүчтөр" өрттөп салышат. Китептин урааны чыгарманын атылышын чечмелеп берет: "Фаренгейт 451 — бул китептин кагазы от алып күйө турган температура."

Роман өзгөчө идеяларды басмырлаш үчүн китеп өрттөөнүн тарыхый ролун чечмелегендердин темасына айланган. 1956-жыл үналгыда курган маегинде Брэдбери айткандай, ал "Фаренгейт 451" чыгармасын АКШдагы китеп өрттөө коркунучу жаралган маалга (Маккарти учурунда) карата өз мамилесин билдирүү максатында жазган. Кийинчерээк ал өз китебин "жалпыга маалымдоо каражаттарынын адабияттарды окууга болгон кызыгууну азайтып жатканы боюнча" бир комментарий деп сүрөттөгөн.

1954-жылы "Фаренгейт 451" Американын көркөм өнөр жана адабият академиясынын адабият жаатындагы сыйлыгын жана Калифорниянын көз карандысыз клубунун алтын медалын жеңип алган. Андан соң 1984-жылы "Прометей" сыйлыгынын "Даңк залы" наамын жана 1954-жылы "Хүгонун" "Ретро" сыйлыгын утуп алып, 2004-жылы "Хүгонун" "Эң мыкты роман" наамын алган төрт чыгарманын бири болуп калган. Брэдбери 1976-жылы жарык көргөн романдын аудиокитеби үчүн "Грэмминин" "Эң мыкты окулган сөз" номинациясына көрсөтүлгөн.

Романга ылайыкташтырып 1966-жылы Франсуа Трүффо тасма тарткан жана 1982-жылы Би-Би-Си үналгысы драмалаштырган. Брэдбери 1979-жылы сахналык спектакль версиясын басып чыгарып, 1984-жылы "Фаренгейт 451" аттуу компьютер оюнун жана "Өрттөөнүн ырахаты" аттуу аңгемелердин топтомун иштеп чыгууга жардам берген.

Сюжети[оңдоо | булагын оңдоо]

Каармандары[оңдоо | булагын оңдоо]

Шилтемелер[оңдоо | булагын оңдоо]