Буаке
Буаке, Бваке – Кот-д’ Ивуар мамлекетинин борбордук бөлүгүндөгү шаар. Вале дю Бандама областынын администрациялык борбору. Калкы 582,5 миң (2006); калкынын саны боюнча өлкөдөгү 2-шаар. Жолдор тоому. Темир жол бекети. Эл аралык аэропорту бар. 1899-ж. француз форту катары негизделген. Университет, пахта илимий-из. жана Пьер Рише (1973; тропиктик медицинасы жаатында изилдөө жүргүзөт), институттары токойчулук мектеби бар. Буаке – айыл чарбалуу аймактын соода борбору (кофе, какао, гозо, шалы, ямс, сизаль, тамеки жана башкалар). Тамак-аш, текстиль, булгаары бут кийим, тамеки, пахта тазалоочу, күрүч актоочу өнөр жайы, ЖЭС иштейт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4