Букалаев Камчыбек

Обончу Букалаев КамчыбекЫсык-Көл районунун Чырпыкты айылында 1957-жылы 11-октябрда туулган.

Кыргыз Республикасынын эмгек сиңирген артисти (2016). Кыргыз Республикасынын эл артисти (2023).

М.Абдраев атындагы Республикалык атайын орто музыкалык мектеп-интернатында, кийин №1 мектеп-интернатында окуган. 1976-жылы Фрунзедеги музыкалык педагогикалык окуу жайын, 1980-жылы Б.Бейшеналиева атындагы Кыргыз мамлекеттик искусство институтун аяктаган. Алгачкы обону – балдарга арналган «Ачык көңүл балдарбыз» (сөзү А.Кыдыровдуку) аттуу ыр болгон. 1980-жылы Чолпон-Ата шаарында элдик «Ак-куу» ыр-бий ансамблинде көркөм жетекчи болуп эмгектенип, 1981–1982-жж. Москвада чыгармачылык сапарда болгон жана 1984-жылы Грузияда, 1985-жылы Францияда, 1989-жылы Евпатория шаарында балдардын Бүткүл Союздук музыка фестивалына уулу Алмаз менен катышкан. 1984-жылы СССР Композиторлор союзунун Ардак грамотасы, 2007-жылы Кыргыз Республикасынын Ардак грамотасы менен сыйланган.

Аткарылып жүргөн чыгармалары

«Ачык көңүл балдарбыз» с. А.Кыдыровдуку
«Биздин класс» с. А.Кыдыровдуку
«Биздин бакча гүл бачка» с. А.Кыдыровдуку
«Алиппе» с. А.Илипаевдики
«Баканын ыры» с. А.Карасартовдуку
«Менин апам» с. Н.Жаркынбаевдики
«Жаңы жыл» с. Ж.Садыковдуку
«Ким сулуу» с. К.Урманбетовдуку
«Жаш таланттар гимни» с. К.Урманбетовдуку
«Атың жакшы Ысык-Көл» с. М.Осмоновдуку
«Кереметтүү көл кечи» с. Т.Кожомбердиевдики
«Ысык-Көлгө суктануу» с. Н.Сыдыковдуку
«Түнкү кайык» с. А.Осмоновдуку
«Жалжалым ой» с. А.Осмоновдуку
«Ыр десте» с. К.Урманбетовдуку
«Булуттар» с. К.Урманбетовдуку
«Эң аярым» с. А.Кыдыровдуку
«Сага» с. К.Иманалиевдики
«Кыйбасың» с. Ө.Кулумбаевдики
«Энекеме» с. Т.Акматованыкы

Ноталуу китептери

Ачык көңүл балдарбыз: Балдар үчүн обондуу ырлар. – Б.: Гүлчынар, 2007.

Колдонулган адабияттар

Кыргыз Республикасынын обончулары/Кыргызпатент/ Түз.: А.Чекиров, Ө.Калыева. – Б.: 2010. – ISBN 978-9967-26-120-4