Бура

Бура, тинкал,Na₂B₄O₇[1|0H₂O – тетрабор кислотасынын натрий тузу. Табиятта ак, сары кээде күңүрт түстө кездешет; суудагы эритмеси негиздик реакцияны көрсөтөт. 350–400°Сге чейин ысытканда суусуз Na₂B₄O алынат. Таза бураны кайрадан кристаллдаштыруу менен алууга болот. Ошондой эле табигый бораттарга жана бор кислотасынын эритмесине соданы таасир этүүдөн алынат. Эриген бура металл оксиддерин жакшы эритет. Ошондуктан каңдоо ишинде, металлдын бетин тазалоодо, чопо өндүрүшүндө, оптикалык айнек чыгарууда, тери иштетүүдө колдонулат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4