Бургу шламы

Бургу шламы – тоо тектерде көзөнөктөрдү (скважиналарды) бургулоо учурунда пайда болгон сүрүндү-сынык майда бөлүкчөлөрдүн суу аралаш топтондусу. Сыртка көзөнөктү жана анын түбүндө (забоюнда) чоң ылдамдыкта тегеренип тек жемирген көзөгүчтөрдү жууп тазалаган илээшкек чопо-ылай эритинди же атайын аспаптардын жардамы менен көтөрүлүп чыгып турат. Бургулоо кери алынбай жүргүзүлгөн учурларда, тереңдикте таралган тектердин курамына байкоо жүргүзүүгө мүмкүнчүлүк түзөт.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4