Бурхардт ренети
Бурхардт ренети – алманын эрте күздө бышуучу сорту. Крымдык багбан Н. Гартвис чыгарып, немис окумуштуусу Бурхардттын ысмынан коюлган. Кыргызстанда, Казакстанда көп өстүрүлөт. Кышка чыдамдуу, 4–5 жылдан кийин мөмө байлайт. Мөмөсү кыйгыл, даамдуу, ширелүү, жыты буруксуп турат, орточо салмагы 100–120 г, бурхардт ренети. августтун аягында бышып, 3 ай сактоого жарайт. Андан как, кыям жана башка жасалат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4